काठमाडौं – राष्ट्रिय स्वतन्त्र पार्टी (रास्वपा) का सांसद वदन भण्डारीले भारतको नयाँ दिल्लीमा अर्थमन्त्री डा. स्वर्णिम वाग्लेले दिएको मन्तव्य सुझबुझपूर्ण रहेको दाबी गरेका छन् ।
रिपोटर्स क्लव नेपालले आइतबार काठमाडौंमा गरेको साक्षात्कारमा भण्डारीले भारतको विरोध गरेर नेपालमा राष्ट्रवादी बन्ने प्रवृत्ति समाप्त भइसकेको भन्ने अर्थमन्त्री वाग्लेको भनाइ सुझबुझका साथ आएको बताएका हुन् । उनले अर्थमन्त्रीको भनाइलाई अनावश्यक रूपमा टीका–टिप्पणी गर्नुपर्ने जरुरत नभएको धारणा राखे ।
ADVERTISEMENT
उनले सरकारले आफ्नो कार्यकालको ६ महिना पार गरिसकेको सन्दर्भ उल्लेख गर्दै वर्तमानको मुख्य चुनौती महँगी नियन्त्रण रहेको उल्लेख गरे । सरकारले यस विषयमा विशेष ध्यान दिनुपर्ने र महँगी नियन्त्रणका लागि ठोस कदम चाल्नुपर्ने उनले बताए । सांसद भण्डारीले बर्तमान सरकारको पाँच वर्षे कार्यकाल रहेको स्पष्ट पार्दै पाँच वर्षमा जनअपेक्षा पूरा गरेरै छाड्ने जिकिर गरे ।
