स्ट्याण्डर्ड चार्टर्ड बैंकले घोषणा गर्यो १६ प्रतिशत नगद लाभांश

काठमाडौं – स्ट्याण्डर्ड चार्टर्ड बैंक नेपाल लिमिटेडले गत आर्थिक वर्षको मुनाफाबाट शेयरधनीलाई १६ प्रतिशत नगद लाभांश वितरण गर्ने घोषणा गरेको छ।

बैंकको कात्तिक ९ गते बसेको सञ्चालक समितिको बैठकले हाल कायम चुक्ता पुँजीको १६ प्रतिशतका दरले नगद लाभांश वितरण गर्ने निर्णय गरेको हो। उक्त लाभांशमा कर प्रयोजनका लागि आवश्यक रकमसमेत समावेश गरिएको बैंकले जनाएको छ।

प्रस्तावित लाभांश नेपाल राष्ट्र बैंकबाट स्वीकृत हुनुपर्नेछ। त्यसपछि बैंकको आगामी वार्षिक साधारणसभाले पारित गरेमा शेयरधनीले उक्त दरमा नगद लाभांश प्राप्त गर्नेछन्।

लाभांश वितरणको प्रस्ताव स्वीकृत भएमा बैंकका शेयरधनीले आफ्नो शेयर स्वामित्वका आधारमा नगद प्रतिफल प्राप्त गर्नेछन्।