दलहरुको कामको मुल्याङ्कन गर्न सक्नुपर्छ : अध्यक्ष तिमिल्सिना

काठमाडौँ– राष्ट्रियसभाका अध्यक्ष गणेशप्रसाद तिमिल्सिनाले दलहरुको कामको मूल्याङ्कन गर्दै सहि वा गलत भन्न सक्नुपर्ने बताएका छन् ।

मंगलबार काठमाडौंमा बालक्लवका पूर्व सदस्यहरुको दोश्रो राष्ट्रिय सम्मेलनलाई सम्बोधन गर्दै तिमिल्सिनाले निर्वाचनमा समयमा दलहरुले सार्वजनिक गरेको घोषणापत्रका आधारमा काम गरे नगरेको मूल्याङ्कन गर्दै सहि वा गलत भन्न सक्नुपर्ने बताएका हुन् ।

उनले दलहरु गरेको गरेका प्रतिवद्धताको कार्यान्वयनका आधारमा आम निर्वाचनमा दलहरुलाई मत दिन सक्नुपर्ने जिकिर गरे । युवाहरु देशको मियो भएकाले मुलुकलाई ठिक ढंगले लानका लागि आवश्यक भूमिका निर्वाचन गर्नुपर्ने उनले जनाए ।

उनले नेपालका युवाहरुलाई नेपालमा गुणस्तरीय शिक्षाका साथै रोजगारको व्यवस्थाका लागि पनि राज्य गम्भीर हुनुपर्ने जनाए । सामाजिक सञ्जालमा आएका कुराहरुको बिश्लेषण गर्दै धारणा बनाउन उचित हुने उनको भनाइ छ ।