विराटनगर महानगरको नगरसभाको पन्धौं अधिवेशन सम्पन्न, बजेट यथावत

काठमाडौँ – चालु आर्थिक वर्षका लागि तय गरेको बजेट यथावत राखेर विराटनगर महानगरपालिकाको नगरसभाको पन्धौं अधिवेशन सम्पन्न भएको छ ।

विराटनगर महानगरपालिकाले लक्ष्य अनुसार राजस्व संकलन र बजेट खर्च नभएपनि चालू आर्थिक वर्ष ०८१/८२ को बजेटमा करको दायरा र बजेट शिर्षकहरु भने संसोधन गरिएको छ । आइतबार विराटनगर महानगरपालिका कार्यालयमा आयोजना गरिएको अधिवेशनमा उपमेयर शिल्पा निराला कार्कीले आर्थिक वर्ष ०८१/८२ को अर्ध वाषिर्क समीक्षा प्रस्तुत गर्दै बजेटको आय व्यय विवरण यथार्थपरक र मागमा आधारित भएकाले बजेट शिर्ष र केही योजनाको नाम तथा करको दायरा संसोधन गरेको दिए ।

उनले चालू आर्थिक वर्षको साउन देखि पौष १५ गते सम्म आय तर्फ ३५ प्रतिशत अर्थात करिब १ अरब २२ करोड ४८ लाख ३ हजार रुपैया रकम संकलन भएको र व्यय तर्फकरिब २० प्रतिशत अर्थात ६९ करोड ५४ लाख ३८ हजार खर्च भएको जानकारी दिए ।

विराटनगर महानगरपालिकाले आगामी आर्थिक वर्ष०८१/८२ का लागि ३ अरब ४९ करोड ९८ लाख ८६ हजार रुपैया बराबरको बजेट ल्याएको थियो ।