प्रधानमन्त्रीद्वारा सांसद साहलाई होच्चाउने काम भयो : सांसद दाहाल

काठमाडौँ – नेकपा माओवादी केन्द्रका सांसद लेखनाथ दाहालले प्रधानमन्त्रीले सांसद प्रभु साहलाई अपमानित गर्ने र होच्चाउने काम गरेको बताएका छन् ।

आइतबार संसद भवन नयाँ बानेश्वरमा सञ्चारकर्मीसंग कुरा गर्दै दाहालले चार दिन अघि नै प्रधानमन्त्रीलाई लिखित रुपमा दिएको प्रश्न सोध्दा उल्टै प्रतिपश्न गरेर प्रधानमन्त्रीले सांसद साहलाई होच्चाउने काम गरेको बताएका हुन् ।

उनले प्रधानमन्त्रीलाई प्रश्न गर्न पाउने अधिकार सवै सांसदलाई रहेको भन्दै नियमावलीमा रहेर प्रश्न गर्दा प्रधानमन्त्रीको कुर्सीमा बसेको व्यक्तिलाई त्यसलाई सहज ढंगले जवाफ दिन सक्नुपर्ने उल्लेख गरे । त्यस्तै उनले प्रधानमन्त्रीको जवाफमा नियमापत्ति गर्न पाउने अधिकार सांसदलाई रहेपनि सांसद साहलाई बोल्न नदिएको धारणा राखे । उनले सरकार आफ्ना विरोधी प्रति थप निरंकुश हुदै गएको जिकिर गरे ।

सांसद दाहालले सामाजिक सञ्जाल नियमनसम्बन्धी विधेयक पारित नहुँदै ऐनको कार्यान्वयन प्रधानमन्त्रीले रोष्टमबाटै गरेको टिप्पणी गरे ।