जेठ ३, काठमाडौँ । राष्ट्रिय युवा संघ नेपाल शिक्षा विभागद्वारा विभिन्न पेशा व्यवसायमा आवद्ध डाक्टर, इन्जिनियर, युवा विज्ञ विभिन्न क्षेत्रका शैक्षिक व्यक्तित्वहरु राष्ट्रिय युवा संघ नेपालमा प्रवेश गराएको छ । राष्ट्रिय युवा सङ्घ नेपालको केन्द्रीय शिक्षा विभागद्वारा आज एमाले पार्टी कार्यालय, च्यासलमा आयोजित युवा उद्यमी सम्मान तथा पार्टी प्रवेशमा प्रधानमन्त्री एवं नेकपा (एमाले) का अध्यक्ष केपी शर्मा ओलीले देशलाई बिगार्न नदिन र विना व्यवधान सुशासनलाई तीव्र गतिले अगाडि बढाउन एमालेलाई बहुमतको सरकारका चाहिने बताएका छन् ।
ADVERTISEMENT
प्रधानमन्त्री ओलीले सुशासन र विकासको बाटोमा मुलुकलाई तीव्र गतिमा अघि बढाउन एमालेको बहुमतको सरकार चाहिने बताए । उनले भने “मुलुकका लागि एमालेको नेतृत्व आवश्यक रहेको बुझ्न हामीले ढिलो गर्यौँ । अब त्यो भ्रममा रहनु हुँदैन । साना साना स्वार्थ लिएकाहरुले हामी विरुद्ध भ्रम फिँजाएका छन् । त्यस्तो भ्रममा पर्नु हुँदैन । एमालेलाई आगामी निर्वाचनमा बहुमत दिन युवाहरुले साथ दिनुपर्छ ।
ADVERTISEMENT
”, अध्यक्ष ओलीले भने, “म युवाहरुलाई एमालेमा आउनुस् एकै पटक एमालेको अध्यक्ष बनिहाल्नोस् भनेर उल्काउन चाहान्नँ । आउनुस्, काम र अनुभव हासिल गर्दै नेतृत्वमा पुग्न सकिन्छ । मेसी, एम्बापे पनि एकै दिन बनेका होइनन् । रहर लागेर तुरुन्तै डाक्टर, इञ्जिनियर हुँदैनन् । मेहनत र समय आवश्यक हुन्छ । यो वास्तविकता तपाईँहरुले बुझ्नुपर्छ ।”
राष्ट्रिय युवा संघ नेपाल शिक्षा विभाग प्रमुख कुबेर अधिकारीले अब पार्टी निमार्णमा शैक्षिक युवा ूजेन जिू पुस्ताबाट सम्बन्ध रहेको बताउनु भयो । कार्यक्रममा युवा चिकित्सक ३७ जना सहित इन्जिनियरहरु करिब १०० जना एमालेमा प्रवेश गरेका थिए भने स्वदेशमै केही गर्न सकिन्छ भन्ने सोचका युवा व्यवसायीलाई सम्मान गरिएको थियो ।
