एजेन्सी – अफगानिस्तानको कुन्दुज प्रान्तका एक बालक एउटा स्तब्ध पार्ने घटनाका कारण समाचारको शीर्षक बनिरहेका छन्। १३ वर्षीय बालक आइतबार विमानको माथिल्लो ल्यान्डिङ गियरमा लुकेर दिल्ली पुगेका थिए।
ADVERTISEMENT
समाचार एजेन्सी पीटीआईका अनुसार, दिल्लीको इन्दिरा गान्धी अन्तर्राष्ट्रिय विमानस्थलमा सोधपुछ गरेपछि, उनलाई सोही विमानमा अफगानिस्तान फिर्ता पठाइएको थियो।
ADVERTISEMENT
पीटीआईका अनुसार, दिल्लीको इन्दिरा गान्धी अन्तर्राष्ट्रिय विमानस्थलमा काम एयरलाइन्सको उडान (उडान नम्बर आरक्यू–४४०१) का चालक दलले विमानको नजिकै एक बालक हिंडिरहेको देखे।
उनीहरूले तुरुन्तै विमानस्थलमा तैनाथ सुरक्षाकर्मीहरूलाई जानकारी दिए, जसले उनलाई सोधपुछको लागि टर्मिनल ३ मा लगे। पीटीआईका अनुसार सोधपुछको क्रममा ती बालक अफगानिस्तानको कुन्दुज प्रान्तको भएको खुलासा भयो।
त्यो बालकले अनुसन्धानकर्ताहरूलाई बताए अनुसार आफू काबुल विमानस्थलमा लुकेर प्रवेश गरेको र विमानको पछाडिको केन्द्रीय अवतरण डिब्बामा पुग्न सफल भएको बताए ।
बालकलाई ज्युँदै देख्नु चमत्कार
यो साहसिक कार्यपछि ती बालक बाँच्नुलाई चमत्कार मानिएको छ।
यो पहिलो पटक होइन जब कोही विमानमा लुकेर आफ्नो गन्तव्यमा पुगेको छ। तर, यो सम्भवतः विमानको यस भागमा गोप्य रूपमा यात्रा गरेको पहिलो घटना हो।
बीबीसीको पश्तो सेवाले विज्ञहरूलाई उद्धृत गर्दै भनेको छ कि अक्सिजनको अभाव र अत्यधिक चिसोका कारण यति उच्च उचाइमा बाँच्न लगभग असम्भव छ।
यस्तो अवस्थामा, एक व्यक्ति छोटो समयमै बेहोस हुन्छ र उनको ज्यान जान्छ । तर ती बालक सकुशल रहनुलाई आश्चर्य मानिएको छ।
