भाइटीका नजिकिँदै जाँदा उपत्यका छाड्ने यात्रुहरुको संख्या बढ्दो

काठमाडौँ – तिहार अन्तर्गत भाइटीका नजिकिँदै जाँदा उपत्यका छाड्ने यात्रुहरुको संख्या बढेको छ ।

उपत्यकाका विभिन्न नाकाका साथै बसपार्कहरुमा यात्रुहरुको भिड देखिएको छ । शनिबारदेखि सुरु भएको तिहारको भाइटिकाको बिहानसम्ममा करिब ५ लाख सर्वसाधारण उपत्यकाबाट बाहिरिने अनुमान गरिएको छ ।

उपत्यका बाहिरने सर्वसाधारणका साथै तिहारमा उपत्यका आउने यात्रुहरुको संख्या पनि उतिनै देखिएको काठमाडौं उपत्यका ट्राफिक प्रहरी कार्यालयले जनाएको छ ।

कार्तिक ३ गते बिहान ६ बजेदेखि कार्तिक ४ गते बिहानसम्म ४० हजार ९ सय ७७ यात्रु बाहिरिदा ४० हजार ४०८ यात्रु उपत्यका प्रवेश गरेको ट्राफिक कार्यालयले जानकारी दिएको छ ।