बक्सिङमा भुपेन्द्रले दिलाए नेपाललाई दोस्रो स्वर्ण

काठमाडौँ – जारी १३ औं दक्षिण एसियाली खेलकुद प्रतियोगिता (साग) मा नेपालले बक्सिङमा दोस्रो स्वर्ण पदक जितेको छ ।

६४ केजी तौल समूहमा भुपेन्द्र थापाले स्वर्ण पदक जितेका हुन् । उनले भारतीय खखेलाडी मनिष कौशिकलाई पराजित गरेका हुन् ।

यसअघि सोमबार नै बक्सिङमा मिनु गुरुङले पनि स्वर्ण जितेकी छन् । योसँगै १३ औं सागमा नेपाल ४७ स्वर्ण पदकसहित दोस्रो स्थानमा यथावत छ । १३८ स्वर्णका साथ भारत पहिलो स्थानमा रहेको छ।