मोटरसाइकल दुर्घटनामा एक जनाको मृत्यु

काठमाण्डौ – काठमाण्डौको टोखामा भएको मोटरसाइकल दुर्घटनामा एक जनाको ज्यान गएको छ ।

ना १६ प ९१३४ नम्बरको मोटरसाइकल बिजुलीको पोलमा ठोक्किँदा चालक नुवाकोटको पञ्चकन्या गाउँपालिका २ का हितबहादुर तामाङको ज्यान गएको प्रहरीले जनाएको छ ।

मोटरसाइकल पछाडि बसेका नुवाकोटकै शिवपुरी गाउँपालिका २ का सुनिल थापाको शिक्षण अस्पताल महाराजगञ्जमा उपचार भइरहेको छ ।