बाढी प्रभावित क्षेत्रमा रोग संक्रमण हुन नदिन युवा संघ नेपालले गर्यो सरसफाई अभियान

सप्तरी– नेकपा एमालेको भातृ संगठन युवासंघ नेपालले बाढीप्रभावित क्षेत्रमा रोगहरु संक्रमण हुन नदिनका लागि सरसफाई कार्यक्रम सम्पन्न गरेको छ ।

युवा संघ नेपाल र सप्तरी युथ नेपालको सयुक्त आयोजनामा सप्तरीको डुमरी शिबधान लगायत विभिन्न ठाउँहरुमा बाढीकारण मरेका जनावरको ब्यबस्थापन तथा सरसफाइ गर्दै सर्पको बिगबिगीको नियन्त्रणको लागि ब्लजिन पाउडर छर्ने कार्य सम्पन्न भएको हो ।

साथै संघले बाढीले बिगारेको बाटो बनाउने काम पनि गरेको छ। युवा संघ नेपालका केन्द्रीय उपाध्यक्ष रमेश पौडेल , सचिब नरेश शाही र युवा संघ नेपाल सप्तरी नगरपालिका कमिटीका अध्यक्ष दिपक यादव लगायतको उपस्थितमा उक्त कार्य सम्पन्न भएको युवा संघले जनाएको छ ।

भारतको हेपाहा प्रवृत्तिको कारण बर्षेनी तराईमा यस्तो समस्या आउने गरेको बताउँदै संघले यसको दीर्घकालीन समाधान खोज्नका लागि सरकारसंग माग गरेको छ । साथै संघले तत्कालका लागि राहत दिँदै बाढीपीडितका आवासका लागि दिर्घकालीन समाधान गर्न सम्बन्धित निकायलाई आग्रह गरेको छ ।