एजेन्सी – अमेरिकी राष्ट्रपति डोनाल्ड ट्रम्पले पुनः कोभिड–१९ को परीक्षण गरएका छन्।
राष्ट्रपति कार्यालय ह्वाइटहाउसका चिकित्सक सिन कोन्लेले पछिल्लो पटक ट्रम्पको दोस्रो परीक्षण गरिएको र त्यसको नतिजा नकारात्मक आएको जनाए। कोन्लेका अनुसार ट्रम्पको नमुना लिन स्वास्थ्यकर्मीलाई करिब एक मिनेट लागेको थियो। करिब १५ मिनेटमा नतिजा आएको उनले जनाए।
कोभिड–१९ सम्बन्धी कार्यदलको बैठकपछि बोल्दै राष्ट्रपति ट्रम्पले भाइरसविरुद्ध संघर्षरत नर्सिङ होमका लागि नयाँ निर्देशिका जारी गरिएको बताए। अमेरिकामा हाल विश्वकै सबैभन्दा बढी कोभिड–१९ संक्रमित छन्।