सर्लाहीमा १४ वर्षीय बालकको आरडीटी रिपोर्ट पोजेटिभ

सर्लाही – सर्लाहीको धनकौलमा १४ वर्षीय बालकको आरडीटी रिपोर्ट पोजेटिभ भेटिएको छ । सर्लाहीको धनकौल गाउँपालिकाको क्वारेन्टाइनमा राखिएका एक बालकको र्‍यापिड डाइग्नोष्टिक टेष्ट गरिएकोमा कोरोना संक्रमण रहेको पाइएको छ ।

चैत २३ गते भारतबाट आएका ती बालकको आरडीटी परीक्षण गर्दा कोरोना पोजेटिभ देखिएको हो । ती बालकसँगै क्वारेन्टाइनमा राखिएका अर्का एक पुरुषको रिपोर्ट भने नेगेटिभ पाइएको प्रमुख जिल्ला अधिकारी मोहनबहादुर जिसीले जानकारी दिए ।

उनका अनुसार रिपोर्ट पोजेटिभ आएका बालक र नेगेटिभ आएका पुरुष दुवैलाई पीसीआर विधिबाट थप परीक्षणका लागि प्रादेशिक अस्पताल जनकपुर पठाइएको छ ।