थप ४७३ जनामा कोरोना पुष्टि, १४५१९ पुग्यो संक्रमित संख्या

काठमाडौँ – नेपालमा थप ४७३ जना कोरोना भाइरस (कोभिड–१९) संक्रमित भेटिएका छन् । देशका विभिन्न प्रयोगशालामा गरिएको परीक्षणमा १०९ जना महिला र ३६४ जना पुरुष गरी ४७३ जनामा संक्रमण पुष्टि भएको हो ।

यससंगै नेपालमा कोरोना संक्रमितको संख्या १४ हजार ५१९ पुगेको छ । जसमध्ये १८८३ जना महिला र १२६३७ जना पुरुष रहेका छन् ।

कुल संक्रमित मध्ये ३१ जनाको मृत्यु भएको छ भने ५३२० जना निको भएको मन्त्रालयका प्रवक्ता डा. जागेश्वर गौतमले जनाएका छन् । पछिल्लो २४ घण्टामा ६६४ जना डिस्चार्ज भएका छन् भने १ जनाको मृत्यु भएको छ ।