संसद्मा निर्वाचन सम्बन्धी प्रतिवेदन प्रस्तुत

काठमाडौँ– व्यवस्थापिका–संसद्को आजको बैठकमा प्रधानमन्त्रीका तर्फबाट न्याय, कानून तथा संसदीय मामिलामन्त्री यज्ञबहादुर थापाले निर्वाचन क्षेत्र निर्धारण आयोगको प्रतिवेदन, २०७४ सदनसमक्ष प्रस्तुत गरेका छन्।

यसैगरी, राज्यव्यवस्था समितिका सभापति दिलबहादुर घर्तीले प्रतिनिधिसभा तथा प्रदेशसभा सदस्य निर्वाचनसम्बन्धी समितिको प्रतिवेदन, २०७४ सदनसमक्ष प्रस्तुत गरे ।

अहिले व्यवस्थापिका–संसद्को बैठक आधा घण्टाका लागि स्थगन गरिएको छ ।