काठमाडौँ — चारैतिर कोरोना कहरले गाँजेका बेला मोरङको सुन्दर हरैंचा नगरपालिकाका ६ जनासहित २८ नेपाली कम्बोडियाको राजधानी नोम पेनमा अलपत्र परेका छन् । संगठित मानव तस्करले आकर्षक तलबको लोभ देखाएपछि त्यहाँ पुगेकाको डेढ महिनायता बिचल्ली छ ।


ADVERTISEMENT


कोरोना संक्रमणका कारण अन्तरदेशीय उडान सेवा बन्द भयो । त्यससँगै उनीहरूलाई लैजाने एजेन्ट सम्पर्कविहीन भएपछि अवैध रूपमा बसिरहँदा संकटमा परेका हुन् ।


ADVERTISEMENT

# # #


गत मंसिरदेखि माघको बीचमा संगठित मानव तस्करको आश्वासनमा परेर काम गर्न भन्दै कम्बोडिया पुगेका उनीहरूसँग न श्रम स्वीकृतिको कागजात छ न त भिसा नै । कान्तिपुरसँग सम्पर्कमा आएका सबैजसो पीडितहरू ४ देखि ६ लाख रुपैयाँ बुझाएर बिजनेस भिसामा थाइल्यान्ड पुगेर त्यहाँबाट अवैध रूपमा कम्बोडिया पुर्‍याइएकाहरू हुन् । सुरुका केही महिना निर्माण क्षेत्रमा काम गरे पनि डेढ महिनायता अलपत्र छन् । पीडितहरूले सुरुवाती कामको पूरै पैसा पनि नपाएको गुनासो गरे । अहिले स्वदेश फर्किन सक्ने तथा काम गरेर बस्न सक्ने दुवै अवस्था नरहेको भन्दै उनीहरूले अलपत्र परेको सुनाए ।