काठमाडौँ – चिनियाँ रक्षा मन्त्री वेइ फेङहे अर्को साता काठमाडौं आउने भएका छन्। फेङहेले नेपाल भ्रमणको तयारी गरेको र अर्को साता काठमाडौँ अवतरण हुने सरकारी स्रोतले बताएको छ ।
यद्यपि, उनी कहिले नेपाल आउने भन्ने टुंगो लागिसकेको छैन । रक्षा मन्त्री फेङहेले महत्वपूर्ण उच्च राजनीतिक भेटघाट कार्यक्रम रहेको स्रोतले बताएको छ ।
यद्यपि, नेपालस्थित चिनियाँ दूतावास र परराष्ट्र मन्त्रालयले उनको भ्रमणबारे कुनै औपचारिक जानकारी दिएका छैनन्।
अघिल्लो वर्ष चिनियाँ राष्ट्रपति सि चीनपिङले नेपाल भ्रमण गरेपछि त्यसयता नेपालमा चीनबाट उच्चस्तरको राजनीतिक भ्रमण भएको थिएन।
चीनको वुहानमा भएको सैन्य खेलकुदमा रक्षामन्त्री ईश्वर पोखरेलले फेङहेसँग भेटघाट गरेकोमा नेपालको निम्तो दिएका थिए । त्यसपछि मन्त्री पोखरेलले औपचारिक भ्रमणका लागि फेङहेलाई पत्र समेत पठाएका थिए ।