ओलीविरुद्ध काँग्रेसले अविश्वासको प्रस्ताव ल्याउँदैन – देउवा

काठमाडौँ – काँग्रेस सभापति शेरबहादुर देउवालो प्रधानमन्त्री ओलीविरुद्ध काँग्रेसले अविश्वासको प्रस्ताव नल्याउने बताएका छन् । काँग्रेस नेता अशोक कोइरालाको श्रद्धाञ्जली सभामा सहभागी हुन विराटनगर पुगेका देउवाले पत्रकारहरूसँग संक्षिप्त कुरा गर्दै तत्काल प्रधानमन्त्री केपी ओलीविरुद्ध आफ्नो पार्टीले अविश्वासको प्रस्तावसमेत नल्याउने बताए ।

उनले अहिले काँग्रेसले नेतृत्व लिने वातावरण बनिनसकेको बताए । ‘एमाले र माओवादी केन्द्र दुइटा पार्टी ब्युँतिएपनि अहिले बहुमतको सरकार छ । शेरबहादुरले प्रधानमन्त्री खाँदै खाएन भन्ने हल्ला छ,’ आफू चाहेर पनि तत्काल प्रधानमन्त्री बन्न नसक्ने बताउँदै उनले भने, ‘खान्छु भनेर मात्रै भएन नि ।’

पत्रकारहरुका सरकार कहिले बनाउने, किन नबनाएको, देशलाई कहिलेसम्म अनिर्णयको बन्दी बनाउने जस्ता प्रश्नमा देउवा जंग्गिदै आफूहरु विपक्षी दल भएको बताएका थिए । उनले भने, ‘हामी विपक्षी पार्टी हो, विपक्षी पार्टी हो, विपक्षी पार्टी हो, सुन्नु भएन ल जानोस् ।’