काठमाडौँ – विभिन्न मुलुकमा नेपालको तर्फबाट प्रतिनिधित्व गरेका पूर्व राजदूतहरुलाई समेट्ने गरी पूर्व राजदूत एशोसिएसन, नेपाल (आफ्ना) गठन भएको छ । विभिन्न मुलुकमा रहेर कूटनीति प्रतिनिधित्व गरिसकेका १ दर्जन बढी पूर्व राजदूतलाई समेट्दै एशोसिएसन गठन भएको हो ।
यसअघि परराष्ट्र मन्त्रालयमा काम गरेकै आधारमा राजदूत भएर जानेहरुको मात्रै यस्तो संगठन भएकोमा त्यसमा राजनीतिक दलमा रहेर कूटनीतिक काम गरेकालाई नसमेटेको भन्दै नयाँ संगठन खुलेको हो । यस संगठनमा पूर्व राजदूत भएका जोकोही आउन सक्ने बताउँदै एशोसिएसनका अध्यक्ष डा. शम्भुराम सिम्खडाले एशोसिएसनले सरकारलाई कूटनीतिक सुझाव दिने जानकारी दिए । यसमा राजनीतिकरण र कर्मचारीकरण गर्न नहुने बताउँदै सिम्खडाले यो संस्था सबैका लागि खुला भएको बताए । ‘जहाँबाट भए पनि सरकारले पत्याएर विदेशी भूमिमा राम्रै काम गरेर फर्केका छौँ र राजनीतिक कोटाबाट गएकाहरूकै नाम राजदूतको अग्रपंतिमा आउँछ,’ उनले भने, ‘यो अवस्थामा सुधार गर्न दुवै संंगठन मर्ज भएर काम गर्न आवश्यक देखिन्छ ।’
पूर्वराजदूत सिम्खडा अध्यक्ष रहेको आफ्नामा उपाध्यक्ष चोपलाल भुसाल, सचिव लक्की शेर्पा र कोषाध्यक्ष रमेश कोइराला चयन भएका छन् । यसै गरी संस्थाका सदस्यहरूमा डा. अर्जुन कार्की, प्रा. डा. विश्वम्भर प्याकुरेल, डा. विजयकान्त कर्ण, डा. ऋषि अधिकारी र युवनाथ लम्साल छन् ।
संगठनका उद्देश्यहरु