९४ तोला चाँदीसहित व्यक्ति पक्राउ

मोरङ– ९४ केजी अवैध चाँदी सहित एक व्यक्ति पक्राउ परेको छ ।

रतुवामाई नगरपालिका–३ छालगाछीबाट विल नभएको ९४ तोला चाँदी सहित सोही ठाउँ बस्ने ३० वर्षीय धर्बेन्द्र शर्मालाई मंगलबार साँझ प्रहरीले पक्राउ गरेको हो।

उनी प्रहरी चौकी महादेवाबाट खटिएको प्रहरीले जाँच गर्ने क्रममा उक्त चाँदीको तार बनाई ल्याएको अवस्थामा पक्राउ परेका थिए ।

बरामद चाँदीसहित उनलाई आवश्यक कारबाहीका लागि मुल भन्सारकार्यालय रानी विराटनगर पठाइने १ नम्बर प्रदेश प्रहरी कार्यालय विराटनगरले जनाएको छ ।