सर्वोच्च अदालतमा सबै खाले मुद्दामा पेसी तोकियो, सुनुवाई सुरु भएन

काठमाडौँ – सर्वोच्च अदालतमा आज बन्दीसहित सबै खाले मुद्दाका पेसी तोकिएको छ तर सुनुवाइ सुरु हुन सकेको छैन ।

सुनुवाइका लागि ११ वटा इजलास गठन भएकामा नौ संयुक्त र दुई एकल इजलास रहेको छ । ती इजलासमा १३६ मुद्दा सुनुवाइका लागि राखिएको छ ।

सर्वोच्चमा यही मङ्सिर १५ गतेदेखि गोला प्रक्रियाबाट पेसी तोकी सुनुवाइ प्रारम्भ गरे पनि आन्तारिक विवादका कारण गत कात्तिक ८ गतेदेखि नै बन्दीका रिट निवेदनबाहेक अन्य मुद्दामा सुनुवाइ हुन सकेको छैन । कोभिड–१९ को सङ्क्रमणका कारण सोमबार अस्पतालमा भर्ना भएका प्रधानन्यायाधीश चोलेन्द्र शम्शेर जबरा आज घर फर्कि सकेका छन् ।