काठमाण्डौं-युरोपा लिग अन्तर्गत समूह चरणका खेलमा इङलिस टोली आर्सनल र एभरटन पराजित भएका छन् ।
समूह एच को खेलमा आर्सनल जर्मन क्लब कोल्नको मैदानमा १-० ले पराजित भयो ।
पराजयका बावजुद आर्सनल अंक तालिकाको शीर्षस्थानमै छ ।
एभरटन भने घरेलु मैदानमा इटालियन क्लब एटालान्टासँग ५-१ ले पछि पर्यो । एभरटन समूह चरणबाटै बाहिरिसकेको छ ।
अन्य नतिजामा एसी मिलानले अस्ट्रिया वेनलाई ५-१, लियोनले अपोल्लोन लिमास्सोललाई ४-० र भिल्लारियलले अस्तानालाई ३-२ ले पराजित गरे ।