युक्रेन पुगे बेलायतका प्रधानमन्त्री

काठमाडौं – बेलायतका प्रधानमन्त्री बोरिस जोन्सन अचानक, रुसले आक्रमण गरिरहेको युक्रेनको राजधानी किएभ पुगेका छन् ।

बीबीसीको खबरअनुसार युक्रेनका राष्ट्रपति भोलोदिमिर जेलेन्स्की भेट्न जोन्सन शनिबार अकस्मात् किएभ पुगेका हुन् ।

बेलायती प्रधानमन्त्री जोन्सन पहिले जानकारी नदिईकन एक्कासि युक्रेन पुगेको बताइएको छ । त्यस क्रममा उनले युक्रेनका राष्ट्रपति जेलेन्स्की भेटवार्ता गर्दै रुसविरुद्ध युक्रेनी नागरिकले देखाएको बहादुरीको प्रशंसा गरे र आफ्नो मुलुकले थप सैन्य सहायता दिने बताए । ​

​​जोन्सनलाई जेलेन्स्कीले राजधानी किएभका सडकको भ्रमण गराएका थिए । दायाँबायाँ सुरक्षाकर्मी राखेर उनीहरू सडकमा पैदलै घुमेका थिए।