विराटनगरमा नागेशलाई ४ हजार २०० मतको अग्रता

काठमाडौं – विराटनगर महानगरपालिकामा कांग्रेसका उम्मेदवार नागेश कोइरालाले ४ हजार २०० मतको अग्रता बनाएका छन्।

कोइराले १६ हजार ४५५ मत प्राप्त गर्दा एमालेका सागरकुमार थापाले १२ हजार २५५ मतसहित पछ्याइरहेका छन्।

उपमेयरमा भने एमालेकी शिल्पा कार्की अगाडि छिन्। उनले १४ हजार ११३ मत प्राप्त गरेकी छन्।

उनको निकटतम् प्रतिस्पर्धी सत्ता गठबन्धनबाट जसपा उम्मेदवार अमरेन्द्र यादवले ८ हजार ४३२ मत पाएका छन्। उनी जसपा अध्यक्ष उपेन्द्र यादवको छोरा हुन्।