मन्त्रिपरिषद् बैठक आज बस्ने, प्रदेश प्रमुख तोकिने

काठमाडौं-मंगलबार बस्ने भनिएको मन्त्रिपरिषद्को बैठक आवश्यक तयारी नजुटेको भन्दै स्थगित भएपछि आज बिहान ९ बजे बस्ने भएको छ।

प्रदेश प्रमुख तथा अस्थायी राजधानी तोक्ने भनि पटक पटक मन्त्रिपरिषद्को बैठक बसेपनि सरकारले अहिलेसम्म तोक्न सकेको छैन्।

प्रमुख दलहरूसँगको परापमर्शपछि आज बस्ने बैठकले सातै वटा प्रदेशमा प्रदेश प्रमुख र अस्थायी राजधानी तोक्ने अन्तिम तयारी गरेको छ।

प्रदेश राजधानीको माग गर्दै ठाउँ ठाउँमा आन्दोलन चर्किदै गएपछि सरकारले अस्थायी राजधानी तोक्ने तयारी गरेको हो ।