प्रधामन्त्रीपत्नी चढेको गाडि सामान्य दुर्घटना

काठमाडौं– प्रधानमन्त्री शेरबहादुर देउवापत्नी तथा नेपाली कांग्रेसकी नेतृ डा. आरजु राणा देउवा सवार गाडी दुर्घटनामा परेको छ । काठमाडौंको पशुपति क्षेत्रमा पर्ने गौरीघाटमा प्रधानमन्त्री पत्नी सवार गाडी दुर्घटनामा परेको हो । डा. राणा सवार बा ६ च १०२० नम्बरको गाडीलाई बा ९ च ८३५६ नम्बरको जीपले ठक्कर दिएको बताइएको छ ।

ठक्कर दिने स्करपियो जिपका चालक फरार भएको र खोजी कार्य भइरहेको ट्राफिक प्रहरी प्रमुख सर्वेन्द्र खनालले जानकारी दिएका छन् । उनले प्रधानमन्त्री पत्नी डा. राणा सवार गाडीको ‘लुकिङ ग्लास’ भाँचिनु बाहेक केही क्षति नभएको बताए ।

प्रधानमन्त्री देउवाका स्वकीय सचिव वीरेन्द्र थापाले दुर्घटनामा कुनै क्षति नभएको बताएका छन् । ‘‘एउटा जीपले सामान्य ठक्कर दिएको हो । कसैलाई केही भएको छैन् । सबै सकुशल नै हुनुहुन्छ,’’ उनले भने ।