काठमाडौं – पोखरामा आगामी मंसिर २६ गते ‘माछापुच्छ्रे दौड २०२६’ आयोजना हुने भएको छ ।

माछापुच्छ्रे बैंक लिमिटेडको मुख्य प्रायोजन तथा हिमालयन ट्रेल रनिङसँगको सहकार्यमा प्रतियोगिता सञ्चालन हुन लागेको हो । नेपालको प्राकृतिक सौन्दर्य, साहसिक खेलकुद तथा पर्यटन प्रवर्द्धन गर्ने उद्देश्यले प्रतियोगिता आयोजना गर्न लागिएको बैंकले जनाएको छ ।


ADVERTISEMENT

# #


प्रतियोगितामा धावकहरूले ५ किलोमिटर, १२ किलोमिटर (कर्पोरेट विधा), २१ किलोमिटर र ४२ किलोमिटर गरी चार विधामा प्रतिस्पर्धा गर्न सक्नेछन् । प्रतियोगिताले स्वस्थ जीवनशैली प्रवर्द्धन गर्नुका साथै पोखराको साहसिक पर्यटनलाई राष्ट्रिय तथा अन्तर्राष्ट्रियस्तरमा चिनाउन सहयोग पुग्ने आयोजकको अपेक्षा छ ।

बढ्दो व्यस्त जीवनशैली र शारीरिक निष्क्रियताका बीच नियमित व्यायाम तथा खेलकुदको महत्त्वबारे जनचेतना अभिवृद्धि गर्ने उद्देश्यले प्रतियोगितामा सहकार्य गरिएको बैंकले जनाएको छ । प्रतियोगितामा सहभागी हुन इच्छुक धावकहरूले आयोजकको आधिकारिक वेबसाइटमार्फत आफूलाई उपयुक्त विधा छनोट गरी अनलाइन दर्ता गर्न सक्नेछन् ।


ADVERTISEMENT

#
#