आोलीलाई ट्रम्पको बधाई

अमेरिकी राष्ट्रपति डोनाल्ड जे ट्रम्पले प्रधानमन्त्री केपी शर्मा ओलीलाई बधाई दिएका छन्।

परराष्ट्र मन्त्रालयका अनुसार ट्रम्पले ओलीलाई नेपालको प्रधानमन्त्री भएकोमा बधाई दिएका हुन्।

ट्रम्पले ऐतिहासिक रूपमा तीन तहका चुनाव सफलतापूर्वक सम्पन्न हुनुले नेपालको समावेशी लोकतान्त्रिक शासनतर्फको प्रतिवद्धता प्रमाणित गरेको बताएका छन्।

प्रधानमन्त्री ओलीलाई पठाएको बधाई सन्देशमा ट्रम्पले आफू दुई देशबीचको साझोदारी बढाउन र स्थायीत्व, सुशासन र दिगो आर्थिक विकासमा सहयोग गर्न तयार रहेको बताएका छन्।

ओली प्रधानमन्त्री नियुक्त भएको हप्तादिन पछि अमेरिकाका राष्ट्रपतिले बधाई दिएका हुन्।