चिकित्सकको लापरबाहीका कारण मृत्यु भएको भन्दै आफन्तले शव बुझ्न मानेनन्

काठमाडौं–टाउकोको ट्युमरको अप्रेशनका लागि विराटनगरस्थित न्यूरो अस्पताल भर्ना भएकी धरानकी लिना मल्लको चिकित्सकको लापरबाहीले मृत्यु भएको भन्दै आफन्तले शव बुझ्न अस्वीकार गरेका छन् ।

न्यरो सर्जन डा. यामबहादुर रोक्काको सल्लाहअनुसार लिना २७ फागुनमा न्यूरो अस्पतालमा भर्ना भएकी थिइन् । तर उनको उपचारका क्रममा शनिबार बिहान मृत्यु भएको छ । मृत्युसँगै आफन्तहरुले चिकित्सकको लापरबाहीले लिनाको मृत्यु भएको भन्दै शव बुझ्न अस्वीकार गरेका छन् ।

डाक्टरको निगरानीमा उपचाररत दिदीको मृत्यु पेटको समस्याबाट भएको भन्नु रहस्मय भएको लुनाका भाइ लुसनले बताए । अस्पतालले भने चिकित्सकको लापरबाहीले नभएर पेटको समस्याका कारण उनको मृत्यु दाबी गरेको छ ।

उपचारमा संलग्न डा. आशिषजंग थापाले ट्युमरको अप्रेशन पश्चात लिनाको शरीरका अन्य अंगले क्रमशः काम गर्न छाडेको र उनको मृत्यु भएको जानकारी दिए ।