काठमाडौं–प्रहरीले राजधानीको दुई छुट्टा–छुट्टै स्थानबाट ७ लाख नगदसहित १४ जुवाडे पक्राउ गरेको छ । प्रहरीले बुधबार काठमाडौंको गोकर्ण र गोंगबुबाट नगदसहित ती जुवाडेहरुलाई पक्राउ गरेको हो ।
ADVERTISEMENT
महानगरिय प्रहरी कार्यालय, रानीपोखरी र महानगरीय प्रहरी परिसर, काठमाडौबाट संयुक्त रुपमा खटिएको प्रहरीले गोकर्णेश्वर नगरपालिका–६ बाट नगद ६ लाख ४० हजारसहित ११ जुवाडे पक्राउ गरेको महानगरीय प्रहरी परिसरले जानकारी दिएको छ ।
ADVERTISEMENT
पक्राउ पर्नेहरुमा पूर्ण लामा, दावा शेर्पा, अर्जुन आचार्य, दावा शेर्पा, फुर्वा शेर्पा र चेना शेर्पा रहेका छन् । त्यसैगरी वीरबहादुर तामाङ, कृष्ण तामाङ, दौलत सिंह लामा, विक्रम लामा र निशान लामालाई पनि प्रहरीले नियन्त्रणमा लिएको छ । स्थानीयले दिएको सूचनाको आधारमा पूर्ण लामाको घरबाट पक्राउ परेका उनीहरु सबै सिन्धुपाल्चोकको भएको प्रहरीले जनाएको छ ।
त्यसैगरी, प्रहरीले बुधबार नै काठमाडौं महानगरपालिका–२६, मित्रनगरबाट ३ जनालाई तास खेलिरहेको अवस्थामा पक्राउ गरेको छ । प्रहरीले प्रेम बहादुर माझीले सञ्चालन गरेको सिन्धुली रिमिक्स गेष्ट हाउसको दोश्रो तलाको २०१ नं. को कोठाबाट उनीहरुलाई पक्राउ गरेको हो ।
प्रहरी प्रभाग गोंगबाट खटिएको प्रहरीले सिन्धुली कमलामाई नगरपालिका घरभइ मित्रनगर बस्ने गेस्ट हाउस सञ्चालक प्रेम बहादुर माझी, दोलखा जिरी घर भई माछापोखरी बस्ने पेम्बा शेर्पा र गुल्मी चारपाला गाउँपालिका ३ घर भई मित्रनगर बस्ने लक्ष्मण पौडेललाई नियन्त्रणमा लिएको छ ।
पक्राउ परेका उनीहरुको साथबाट नेपाली ५१,६००, साउदी रियल २८५, भा।रु ३००, र यु.एस. १ डलर बरामद गरेको महानगरीय प्रहरी परिसरले जानकारी दिएको छ ।
