काठमाडौं–प्रधानमन्त्री केपी शर्मा ओलीले भारतसँगको प्रगाढ मित्रता आफूहरुको प्राथमिकता भएको बताएका छन् । शनिबार बिहान गार्ड अफ अनर ग्रहण गरेपछि पत्रकारहरुलाई सम्बोधन गर्दै ओलीले सो कुरा बताएका हुन् ।
उनले सहमति र सम्झौताभन्दा ठूलो नेपाल-भारतको मित्रता भएको बताए । उनले भने, ‘सहमति र सम्झौताभन्दा ठूलो हाम्रो मित्रता हो । अब हामीलाई पछि फर्किने सुबिधा छैन ।’ दुवै देशका जनताले समृद्धि र शान्ति चाहेको भन्दै ओलीले भबिस्य हेरेर अघि बढनुपर्ने धारणा राखे ।
भारतको तीन दिने औपचारिक भ्रमणको क्रममा शुक्रबारदेखि नयाँदिल्लीमा रहेका प्रधानमन्त्री ओली शनिबार महत्वपूर्ण राजनीतिक भेटवार्ता तथा कार्यक्रमहरुमा व्यस्त छन् ।
उनले शनिबार नै समकक्षी नरेन्द्र मोदीसँग औपचारिक भेटवार्ता गर्दैछन् ।
संसारमा अरू कुनै देशको सम्बन्ध नेपाल–भारतजस्तो छैनन्ः भारतीय राष्ट्रपति
भारतीय राष्ट्रपति रामनाथ कोविन्दले नेपाल र भारतजस्तो सम्बन्ध संसारका अरू कुनै देशबीच नरहेको बताएका छन् । तीन दिने राजकीय भ्रमणमा रहेका प्रधानमन्त्री केपी शर्मा ओलीसँगको भेटपछि ट्वीट गर्दै भारतीय राष्ट्रपति कोविन्दले यस्ता उच्चस्तरीय राजनीतिक भ्रमणले हाम्रा विशेष साझेदारीलाई दिएको महत्व दर्शाउने बताएका छन् ।
No other countries in the world have the bonds of friendship and cooperation that exist between India and Nepal. Regular exchanges of visits at the highest political level demonstrate the priority that we attach to our special partnership #PresidentKovind
— President of India (@rashtrapatibhvn) April 7, 2018
नेपालको स्थीरता र आर्थिक सम्वृद्धि नै भारतीय चासो भएको उल्लेख गर्दै राष्ट्रपति कोविन्दले नेपालको आवश्यकता अनुसार सहयोग बढाउन भारत तयार रहेको पनि बताएका छन् ।