यसअघिका सबै सम्झौता कार्यान्वयन गर्ने नेपाल चीनको सहमती

 

बेइजिङ । नेपाल र चीनबीच दुई देशबीच यसअघि भएका सम्झौताहरुको कार्यान्वयन गर्ने बीच सहमती भएको छ । परराष्ट्रमन्त्री प्रदिप ज्ञवालीका अनुसार चिनियाँ समकक्षी वाङ यीसँगको भेटमा मार्च २०१६ मा प्रधानमन्त्री केपी शर्मा ओलीको चीन भ्रमणका क्रममा भएको सहमति कार्यान्वयनमा भएको प्रगतिको समिक्षा भएको छ ।

‘हामीले पारवहन सम्झौताबारे विमर्श गर्‍यौं र आगामी दिनमा यसलाई अन्तिम रुप दिन छलफल अझ तीव्र बनाउन सहमत भयौं’ उनले भने, ‘चीनसँगको व्यापार घाटा कम गर्ने सहयोगी उपाय अपनाउन विदेशमन्त्री वाङसँग आग्रह गरेँ ।’

नेपालले तातोपानी नाका खोल्ने र अरु नाकाहरु स्तरोन्नतीबारे कुरा उठाएको छ । अहिलेका सीमा नाकाहरुस्तरोन्नति गर्न दुबै पक्ष सहमत भएको मन्त्री ज्ञवालीले बताए ।