सरकार देशैभरिका नदीको पानीलाई प्रशोधन गरेर वितरण गर्ने तयारीमा छः मन्त्री मगर

कामीडाँडा– खानेपानी मन्त्री बिना मगरले देशैभरिका नदीको पानीलाई प्रशोधन गरेर गाउँगाउँसम्म पुर्याउने गरि योजना बनिरहेकोे खुलासा गरेकी छन् । शुक्रबार काभ्रेको बेथानचोक गाउँपालिका–५ कामीडाँडामा आयोजित कपेर महाँकाल खानेपानी तथा सरसफाई आयोजनाको उद्घाटन समारोहलाई सम्बोधन गर्दै मन्त्री मगरले सो कुरा बताएकी हुन् ।

कार्यक्रमलाई सम्बोधन गर्दै उनले भनिन्, ‘देशैभरिको विस्तृत योजना बनाइरहेका छौ ।’ खानेपानी स्वच्छ नहुँदा विभिन्न रोग लाग्ने, मृत्यु हुने, आयु घट्ने लगायतका समस्या देखिनेतर्फ सबै सचेत हुनुपर्ने मन्त्री मगरले बताइन् ।

पहाडी क्षेत्रमा छरिएर रहेका वस्तीका कारण खानेपानी पुर्याउ भौगोलिक कठिनाई भएपनि हरेक जनतालाई स्वच्छ खानेपानी पुर्याउन सरकार प्रतिबद्ध रहेको उनले दाबी गरिन् । ‘पहाडमा बस्ने जनता हुन् कि खोला किनारमा बस्ने जनता हुन् सबैलाई सरकारले स्वच्छ खानेपानी पुर्याउने योजना बनाउँदै छ,’ उनले भनिन् ।