मुगु– छायानाथ रारा नगरपालिकाको नगर प्रमुखमा नेपाली काँग्रेसका हरिजङ्ग शाही तीन हजार ५६० मत ल्याई विजयी भएका छन्
उनका निकटतम प्रतिद्वन्द्वी नेकपा (एमाले)का जितबहादुर मल्लले तीन हजार ४४१ मत प्राप्त गरे । नगर उपप्रमुखमा एमालेकी सुन्तला रोकायाले तीन हजार २२५ मत ल्याई विजयी भइन्। उनका निकटतम प्रतिद्वन्द्वी नेकपा (मओवादी केन्द्र)का शुरबहादुर बुढाले दुई हजार ९७० मत प्राप्त गरेका थिए ।
यस्तै जिल्लाको तीनवटा गाउँपालिकामध्ये दुईवटाको मतगणना सम्पन्न भएको छ । कारमारोम गाउँपालिकाको अध्यक्षमा नेपाली काँग्रेसका छिरिङ क्याप्ने लामा एक हजार १७० मत ल्याई विजयी भएका छन् । उनका निकटतम प्रतिद्वन्द्वी नेकपा (एमाले)का सोनाम छिरिङ लामाले एक हजार २६ मत प्राप्त गरे।
उपाध्यक्षमा एमालेका छिरिङ तामाङ एक हजार ६१ मत ल्याई विजयी भए । उनका निकटतम प्रतिद्वन्द्वी माओवादी केन्द्रका इटोल लामाले ९१५ मत प्राप्त गरे । सो गाउँपालिकाको नौवटा वडामध्ये पाँच वटामा एमाले र चार वटामा काँग्रेस विजयी भएको छ ।
यसैगरी खत्याड गाउँपालिकाको अध्यक्षमा एमालेका उब्जन शाही दुई हजार ३०७ मत ल्याई विजयी भएका छन्। उनका निकटतम प्रतिद्वन्द्वी माओवादी केन्द्रका विर्खबहादुर थापाले दुई हजार ३८ मत प्राप्त गरे ।
उपाध्यक्षमा एमालेका जयनन्द रावलले दुई हजार ३२२ मत ल्याई विजयी भएका छन् । उनका निकटतम प्रतिद्वन्द्वी काँग्रेसका सरिता रोकायाले दुई हजार ३१५ मत प्राप्त गरे ।
जिल्लाको सुरु गाउँपालिकाको मतगणना भइरहेको छ ।