अर्जेन्टिनाले इराकलाई ४–० ले हरायो

काठमाडौं– लियोनल मेसी, सर्जियो अग्युरो, गोन्जालो हेगुइन जस्ता स्टार खेलाडी विना मैदान उत्रिएकोे अर्जेन्टिनाले इराकविरुद्ध शानदार जित निकालेको छ ।

बिहीबार राति भएको मैत्रीपूर्ण खेलमा अर्जेन्टिनाले इराकलाई ४–० ले हराएको हो ।

अर्जेन्टिनालाई २१ वर्षीय लाउतारो मार्टिनेजले शुरुआती अग्रता दिलाएका थिए । राष्ट्रिय टिमका लागि उनको यो पहिलो गोल हो । थप गोल पाउलो डिबाला, जर्मन पजेला र फ्रान्को सेर्भीले गरे । इराकविरुद्ध अर्जेन्टिनाका अधिकांश युवा खेलाडीहरु मैदान उत्रिएका थिए ।