काठमाडौं । एसिया प्यासिफिक समिटमा सहभागी हुन आएका विदेशी प्रतिनिधि र प्रधानमन्त्री केपी शर्मा ओलीबीच बिहीबार द्वारिका होटलमा भेटवार्ता भइरहँदा नेपाल समाजवादी कांग्रेसले पर्चा फाल्दै विरोध जनाएको छ ।
ADVERTISEMENT
विशिष्ट सुरक्षा घेराभित्रै प्रवेश गरेर नेपाल समाजवादी कांग्रेसका कार्यकर्ताले विरोध पर्चा फालेका हुन् ।
ADVERTISEMENT
पर्चामा ‘हिन्दु संस्कृतिमाथिको अतिक्रमण बन्द गर’, ‘भारतीय विस्तारवाद मुर्दावाद’, ‘अमेरिकी साम्राज्यवाद मुर्दावाद’ र ‘अन्तर्राष्ट्रिय धार्मिक अतिवाद मुर्दावाद’ लेखिएको छ ।
काठमाडौंको बत्तीसपुतलीस्थित होटल द्वारिकामा प्रधानमन्त्री ओली, विभिन्न मन्त्रीहरु र विदेशी प्रतिनिधिहरुबीच भएको भेटवार्ता भइरहेको छ ।
नेपाल र कम्बोडियाबीच हवाई सम्झौता
होटल द्वारिकामै बिहीबार नेपाल र कम्बोडियाबीच हवाई सम्झौता भएको छ ।
निजी क्षेत्रका सन्चारमाध्यमहरुलाई प्रवेश निषेध गरेर उक्त हवाई सम्झौता गरिएको हो ।
सम्झौताअनुसार दुवै देशका एअरलाइन्सहरुले सातामा १४ ओटासम्म सीधा उडान गर्न सक्नेछन् ।
