कामना सेवा विकास बैंकद्वारा आमा समूहलाई डस्ट्विन प्रदान

काठमाडौँ– कामना सेवा विकास बैंक लिमिटेडले आफ्नो संस्थागत सामाजिक उत्तरदायित्व अन्तर्गत पोखरा–२ अर्चलबोट स्थित “अर्चलबोट आमा समूह” लाई एक कार्यक्रमका बीच डस्ट्विन लगायतका सरसफाइका सामग्री प्रदान गरेको छ ।

आइतबार आयोजित एक समारोहका बीच पोखरा महानगरपालिका वडा नं. २ का वडा अध्यक्ष रामेश्वर मल्ल तथा बैंकका सञ्चालक सदस्यद्वय चतुराखर अधिकारी, देवकृष्ण काफ्ले र पूर्व संचालक विष्णु राज पराजुलीले संयुक्त रुपमा आमा समूहका अध्यक्ष कल्पना पराजुलीलाई उक्त सामग्री हस्तान्तरण गरेका हुन् ।

सञ्चालक सदस्य चतुराखर अधिकारीले आमा समूहको महत्वपूर्ण भूमिकाले भविष्यमा सकरात्मक परिवर्तन ल्याउने सक्ने र बैंकले उक्त सामाग्रीहरुको पूर्ण सदुपयोग हुने विश्वास लिएको व्यक्त गरे ।

यस्तै बैंकका सञ्चालक देवकृष्ण काफ्लेले स्वच्छ सफा पोखरा अभियान अन्तर्गत पोखरा महानगरपालिका वडा नं. २ अन्तर्गतका सडकहरुमा सरसफाइमा सहयोग पुर्याउने उद्देश्यले उक्त सामाग्रीहरु प्रदान गरिएको बताए ।