कैलाली– कैलालीको टीकापुर नगरपालिकाको प्रमुखमा नेकपा एमाले र उपप्रमुखमा नेपाली काँग्रेस विजयी भएको छ ।
ADVERTISEMENT
नगर प्रमुखका प्रत्यासी एमालेका टपेन्द्र रावलले सुरुवात देखिनै अग्रता लिएका नेपाल लोकतान्त्रिक फोरमका लोटन चौधरी र बीचमा अग्रता लिएका नेकपा माओवादी केन्द्रका ललितबहादुर थापालाई पछि पार्दै पाँच हजार ९५९ मत प्राप्त गरी विजयी भएका हुन् ।
ADVERTISEMENT
उनका निकटतम प्रतिद्वन्द्वी माओवादी केन्द्रका थापाले पाँच हजार ६१० मत प्राप्त गरेको निर्वाचन अधिकृत मनप्रसाद रेग्मीले बताए ।
यसैगरी, उपप्रमुखमा भने नेपाली काँग्रेसकी केशरी विष्टले छ हजार २३६ मत ल्याई विजयी भइन् । उनका निकटतम माओवादी केन्द्रकी उम्मेदवार आशाकुमारी चौधरीले पाँच हजार ५५३ मत प्राप्त गरिन्।
गोदावरी नगरपालिकामा एमाले विजयी
यसैगरी, कैलालीको गोदावरी नगरपालिकाको प्रमुख र उपप्रमुखमा नेकपा एमाले विजयी भएको छ ।
प्रमुखका प्रत्यासी एमालेका हरिसिंह साउदले नौ हजार ८७० मत प्राप्त गरी विजयी भएका हुन्। उनका निकटतम प्रतिद्वन्द्वी काँग्रेसका वीरेन्द्र भट्टले आठ हजार ४५७ मत प्राप्त गरेको निर्वाचन अधिकृत मोहनप्रसाद मरासिनीले बताए ।
यसैगरी, उपप्रमुखमा एमालेकै रत्ना कडायत १० हजार २५ मत ल्याई विजयी भइन्। उनका निकटतम प्रतिद्वन्द्वी काँग्रेसकी भगवती पाठकले भने आठ हजार ९६२ मत प्राप्त गरेकी छन् ।
