अमेरिकी राजदूतलाई सम्झाउँदै ओलीले भनेः प्रचण्डको वक्तव्य ट्रम्पको जिब्रो चिप्लिएजस्तै हो, पीर मान्नु पर्दैन

काठमाडौं । प्रधानमन्त्री एवं नेकपा अध्यक्ष केपी शर्मा ओलीले अर्का अध्यक्ष पुष्पकमल दाहालको वक्तत्वयमा ‘शब्द चिप्लिएको’ भन्दै अमेरिकी राजदूतलाई त्यसबाट नेपाल-अमेरिका सम्बन्धमा असर नपर्ने र पर्न नहुने सम्झाएका छन्।

भेनेजुएला प्रकरणबारे दाहालको वक्तव्यप्रति असन्तुष्ट अमेरिकी राजदूत र्‍यान्डी बेरीलाई सोमबार भेट दिँदै प्रधानमन्त्री ओलीले राष्ट्रपति डोनाल्ड ट्रम्पको जिब्रो चिप्लिएजस्तै रूपमा लिन अर्थ्याएका थिए।

ओलीले बुधबार बिहान बालुवाटारमा संक्षिप्त जवाफ दिँदै भने, ‘हाम्रो कुनै विवाद होइन, कहिलेकाहीं (राष्ट्रपति) ट्रम्पको पनि टङ स्लिप हुन्छ, हाम्रा प्रचण्डजीको पनि वर्ड स्लिप भएको हो। स्लिप भएपछि भयो। दुई-तीन शब्द बढी गएको हो।’