कलाकार कामेश्वर झा को उपचारमा सहयोग गर्न आर्थिक समिति गठन

विराटनगर– लामो समयदेखि विरामी परेका नृत्य निर्देशक तथा संस्कृतिकमी कामेश्वर झा को उपचारमा सहयोग पुर्याउने उद्देश्यले आर्थिक समिति गठन भएको छ ।

लोक चन्द्र श्रेष्ठको संयोजत्वमा आर्थिक समिति गठन भएको हो । समितिको अन्य राजेन्द्र भगत, विमल नेपाल, भुवन श्रेष्ठ, सागर साह, सन्तोष गौतम, राजु सेमा, हिना झा, लगायत रहेका छन् भने सल्लाकारमा केशब रायमाझी छन्।

संगठित समितिले आर्थिक संकलन गरी कलाकार झाको उपचारमा खर्च गर्ने आर्थिक समितिको सल्लाकार केशव रायमाझीले जानकारी दिए । उनका अनुसार गठन भएलगतै ४५ हजार संकलन भएको बताए ।

झा प्यारालाइसेस भएपछि घरमै थला परेका छन् । आर्थिक अभावको कारण उपचार हुन नसकेपछि मोरङ, झापा र सुनसरीका कलाकारहरु संगठित भएर झाको उपचारको लागि अभियानमा लागि परेका छन् ।

झाबाट प्रशिक्षण लिएका मध्धे केहि कलाकारहरु चर्चित छन् । जसमा चर्चित गायक उदित नारायण झा, निर्देशक तथा अभिनेत्री दिपा श्री निरौला, शिव श्रेष्ठ, निर्देसक केशव रायमाझी, राजेन्द्र भगत,सागर साहा,सुबलमणि साप्कोटा,सन्तु गौतम , हुन् ।