काठमाडौँको ठमेलमा कामना सेवाको ८७औं शाखा सञ्चालन

काठमाडौँ – कामना सेवा विकास बैंकले काठमाडौँको काठमाण्डौ ठमेलमा नयाँ शाखा सञ्चालनमा ल्याएको छ । बैँकले ठमेलमा बिहीबारदेखि आफ्नो ८७औं शाखा विस्तार गरेको हो ।

उक्त शाखाको बैंकका अध्यक्ष सुदिप आचार्य तथा प्रमुख कार्यकारी अधिकृत प्रविण बस्नेतले संयुक्त रुपमा कारोबार सुभारम्भ गरेका छन् । उक्त कार्यक्रममा बैंकका संस्थापक कृष्ण आचार्य तथा संचालक चतुराखर अधिकारीले बैंकले द्रूतगतिमा शाखा तथा कारोबार विस्तार गरेकोमा बैंक हरेक दृष्टिले अब्बल बन्नु पर्ने धारणा राखे । यस्तै भने प्रमुख कार्यकारी अधिकृत प्रविण बस्नेतले बैंकको हाल सम्मको संक्षिप्त जानकारी दिँदै भावी योजनाहरुको बारेमा प्रकाश पारेका थिए।

बैंकले देशका विभिन्न भागहरुमा यो सँगै ८७ वटा शाखा तथा ४० एटीएममार्फत ग्राहकहरुलाई आफ्नो सेवाहरु प्रदान गर्दै आएको छ ।