विश्वकप सेमिफाइनल : न्यूजिल्याण्ड र भारतबीचको खेल वर्षाले प्रभावित

काठमाडौं – विश्वकप क्रिकेटको सेमिफाइनलमा न्युजिल्यान्ड र भारतबीचको खेल पानी परेपछि रोकिएको छ ।

इंग्ल्यान्डको म्यान्चेस्टरमा न्युजिल्यान्डले टस जितेर ब्याटिङ गर्दै ४६.१ बलमा पाँच विकेटको क्षतिमा २११ रन बनाउँदा पानी परेको हो ।

खराब सुरुवात गरेको न्युजिल्यान्डका लागि कप्तान केन विलियम्सनले ६७ रन बनाउँदै टिमलाई उकासेका थिए । उनले हेनरी निकोलससँग ६८ रनको साझेदारी गरे । निकोलस भने २८ रनमा आउट भए ।

त्यस्तै, न्युजिल्यान्डका लागि अहिले क्रिजमा रोस टायलर ६७ रन बनाएर अविजित छन् । दुबै टिम जित हात पार्दै फाइनलमा प्रवेश गर्ने लक्ष्यमा छन् ।