आजदेखि प्रहरीबाटै असुरक्षित महसुस गरेको छु : रवि लामिछाने

काठमाडौँ – पत्रकार शालिकराम पुडासैनी आत्महत्या प्रकरणमा प्रहरी हिरासतमा रहेका टेलिभिजनकर्मी रवि लामिछानेले प्रहरी प्रशासनबाट फू असुरक्षित रहेको बताएका छन् ।

बुधबार साँझ पत्नी निकिता पौडेलको फेसबुकमार्फत उनले प्रहरी प्रशासनले आफूलाई जबरजस्ती फसाउन लागेको बताएका हुन् । निकिताको फेसबुकमा पोष्ट गर्दै उनले भनेका छन्, ‘पाँचौं दिनसम्म मैले प्रहरीसँग आफू सुरक्षित रहेको महसुश गरेको थिएँ । तर, आजबाट भने म प्रहरीसँगै नै असुरक्षित भएको महसुश गरेको छु ।’

घटनामा आफूले पाँच दिनसम्म सघाएको र अझैपनि सघाउने बताउँदा बताउँदै पनि प्रहरीले पाँच दिनको म्याद थप गर्नु फसाउँने गरी सुनियोजित र नियतपूर्ण रहेको उनको भनाई छ ।

आत्महत्या अगाडिको भिडियो पुलिससंग मात्रै रहेकाले कसरी कसरी मिडियामा आयो ? यदि परिवारले उपलब्ध गराएको भए परिवारलाई उक्त विषयमा सोध्नु पर्छ कि पर्दैन भनेर उनले प्रश्न गरेका छन् ।

‘शालिक राम पुडासैनीको घटनाको बिषयमा मैले प्रहरीलाई अनुसन्धानमा सघाउ पुर्याउछु भनेको थिए र पाँचौ दिन सम्म हिरासतमा रहदा मैले मेरा तर्फबाट पूर्ण रुपमा प्रहरीलाई सहयोग गरे पनि । यस्तै उनले यदि प्रहरीले छाडेको खण्डमा आफू ५ मिनेटमै उक्त घटनामा आफ्नो संलग्नता नरहेको कुरा प्रमाणित गरेर देखाउने पनि दाबी गरेका छन् ।

यस्तो छ रविको फेसबुक स्टाटस

“म, र मेरा सहकर्मी युवराज कडेल र यो घटनामा नाम जोडिएकी अस्मिता कार्की रुकुको बयान लिए पश्चात यो घटनामा हाम्रो कहि कतै संग्लनता नदेखिएको पोईन्ट वाईज स्पष्ट भईरहेको बेला फेरी पाँच दिनको म्याद थप्दै प्रहरीले चलाएको कदम हामीलाई फसाउँने गरी सुनियोजित र नियतपूर्ण रहेको स्पष्ट पार्न चाहन्छु ।

पाँचौ दिन सम्म मैले प्रहरीसँग आफू सुरक्षित रहेको महसुश गरेको थिए तर आजबाट भने म प्रहरीसँगै नै असुरक्षित भएको महसुश गरेको छु ।