काठमाडौँ – नेपाल क्रिकेट संघ (क्यान) को केन्द्रीय समितिको निर्वाचन आगामी असोज ३ र ४ गते हुने भएको छ। अनर्राष्ट्रिय क्रिकेट काउन्सिल (आइसीसी)को स्वतन्त्र समितिले उक्त गतेलाई साधारण सभा बोलाएको हो ।


ADVERTISEMENT


प्रादेशीक समितिको निर्वाचन शनिबार सकिएसँगै अब केन्द्रीय समितिको निर्वाचन प्रक्रिया अघि बढाइन लागिएको स्वतन्त्र समितिका सदस्य एलबी क्षेत्रीले बताए । क्षेत्रीका अनुसार स्वतन्त्र समितिमा आइसिसीको तर्फबाट सदस्य रहेका अमर शेख, नितिश कोथारी र मोहमद अली निर्वाचनका लागि नेपाल आउने पक्का भइसकेको छ।


ADVERTISEMENT

# # #


निर्वाचनका लागि आइसिसीको एसोसिएट समितिका अध्यक्ष इमरान ख्वाजालाई निमन्त्रणा पठाइएको छ। क्यानको १७ सदस्यीय कार्यसमितका लागि ५९ जनाले भोट हाल्न पाउनेछन्। जसमा जिल्लाका १–१ प्रतिनिधि गरि ३९ र प्रदेशका २० जना हुनेछन्।आईसीसीले निर्वाचनपछि क्यानमाथिको निलम्बन फुकुवा गर्ने तयारी गरेको बताइएको छ ।

आइसिसीले २०७३ वैशाखमा सरकारी हस्तक्षेप भएको भन्दै क्यानलाई निलम्बन गरेको छ। त्यसयता नेपाली क्रिकेट अविभावकबिहीन छ।