नेपालका लागि भारतीय राजदूत सुधाकर दलेलद्वारा राष्ट्रपति पौडेलसमक्ष ओहोदाको प्रमाणपत्र पेस

काठमाडौं – नेपालका लागि भारतका नवनियुक्त राजदूत सुधाकर दलेलले राष्ट्रपति रामचन्द्र पौडेलसमक्ष आफ्नो ओहोदाको प्रमाणपत्र पेस गरेका छन्।

राष्ट्रपति कार्यालय शीतल निवासमा आज आयोजित विशेष समारोहमा राजदूत दलेलले राष्ट्रपति पौडेलसमक्ष ओहोदाको प्रमाणपत्र पेस गरेका हुन्।

नेपालका लागि भारतीय राजदूतको जिम्मेवारी सम्हालेसँगै दलेलले नेपाल र भारतबीचको कूटनीतिक सम्बन्धलाई थप सुदृढ बनाउन महत्वपूर्ण भूमिका निर्वाह गर्ने अपेक्षा गरिएको छ।

नेपाल र भारतबीच ऐतिहासिक, सांस्कृतिक, सामाजिक तथा आर्थिक सम्बन्ध रहँदै आएको छ। दुई देशबीचको सहकार्य, आपसी हित र द्विपक्षीय सम्बन्धलाई थप उचाइमा पुर्‍याउन उनको कार्यकाल महत्वपूर्ण हुने विश्वास गरिएको छ।