धनुषामा प्रहरीद्वारा तीन बोरा पटाका नष्ट

जनकपुरधाम – धनुषामा प्रहरीले तीन बोरा पटाका नष्ट गरेको छ । सशस्त्र प्रहरी बल नेपाल गण नं.८ हेडक्वार्टरबाट खटेको टोलीले अवैध रूपमा नेपाल ल्याउँदै गरेको उक्त पटाका बरामद गरी नष्ट गरेको हो ।

जनकपुरधाम उपमहानगरपालिका ४ स्थित माछा बजारबाट सशस्त्र प्रहरी निरीक्षक प्रकाश धितालको कमान्डमा खटिएको प्रहरी टोलीले शुक्रबार भारतबाट ल्याउँदै गरेको पटाका बरामद गरी नष्ट गरेको जनाइएको छ ।