काठमाडौं । सरकारले नेपालमै रासायनिक मल उत्पादन गर्ने कारखाना स्थापना गर्ने प्रक्रिया अघि बढाउने भएको छ ।
प्रधानमन्त्री वालेन्द्र शाहले मल कारखाना स्थापनाका लागि सरकारले छिट्टै प्रस्ताव आह्वान गर्ने तयारी गरिरहेको जानकारी दिइएका हुन् ।
बुधबार सिंहदरबारमा इन्जिनियरिङ पृष्ठभूमिका सांसदहरूसँग भएको छलफलका क्रममा प्रधानमन्त्री शाहले यस्तो जानकारी दिइएको रास्वपा सांसद डा. राम लामाले बताए ।
मल कारखाना स्थापनासँगै विद्युत् खपत बढाउने आयोजना तथा योजनालाई समेत सरकारले प्राथमिकता दिने प्रधानमन्त्री शाहको भनाइ थियो । त्यस्ता आयोजनाका लागि आवश्यक सहुलियत उपलब्ध गराउने विषयमा समेत सरकारले योजना बनाइरहेको उनले जानकारी गराइएको थियो ।
वर्तमान सरकारले निजी क्षेत्रसँगको सहकार्यमा नेपालमा रासायनिक मल कारखाना स्थापना गर्ने प्रतिबद्धता यसअघि नै सार्वजनिक गरिसकेको छ । त्यसका लागि आवश्यक नीतिगत तथा कानुनी सुधारसँगै भन्सार व्यवस्थामा सुधार गर्ने प्रतिबद्धता सरकारको छ ।
नेपालमा रासायनिक मल कारखाना स्थापना गर्ने विषय विगतदेखि नै चर्चामा रहे पनि विभिन्न सरकारले बजेटमार्फत रकम विनियोजन गर्दासमेत योजना कार्यान्वयनमा आउन सकेको छैन । वर्तमान सरकारले भने यसलाई प्राथमिकतामा राखेर प्रक्रिया अघि बढाउने जनाएको छ ।
छलफलका क्रममा प्रधानमन्त्री शाहले औद्योगिकीकरणलाई अघि बढाउन नयाँ योजना तथा नीतिका विषयमा सांसदहरूबाट ठोस सुझाव मागेका थिए । नयाँ योजना वा नीतिसम्बन्धी प्रस्ताव लिएर प्रधानमन्त्री कार्यालयमा सम्पर्क गर्न सकिने र त्यस्ता प्रस्तावमाथि छलफल गर्न आफू सहज रूपमा तयार रहेको उनले बताएका थिए ।
विद्युत् उत्पादन बढाउनुका साथै आन्तरिक खपत विस्तार गर्नुपर्नेमा पनि प्रधानमन्त्री शाहले जोड दिइएको थियो । करिब दुई घण्टाभन्दा बढी चलेको छलफलमा १७ जना सांसद सहभागी भएका थिए ।
छलफलको सुरुवातमा सांसदहरूले पछिल्लो बाढीपहिरोपछि उत्पन्न अवस्थाबारे प्रधानमन्त्रीलाई जानकारी गराएका थिए । त्यसपछि संसदमा उठ्ने विषय, सांसदको भूमिका, सरकारसँगको समन्वय तथा औद्योगिकीकरणका सम्भावनाबारे छलफल भएको थियो ।
