मोगादिसुमा राष्ट्रपति निवासलाई लक्षित गरेर दुई बम विस्फोट, १८ को मृत्यु

एजेन्सी-मोगादिसुमा शुक्रबार दुई वटा बम विस्फोटन हुँदा कम्तीमा १८ जनाको मृत्यु भएको छ । यस विस्फोटमा परी अन्य २० जना घाइते भएका छन् ।

एम्बुलेन्सका निर्देशक अब्दुकादीर अब्दीरहमानले दुई वटा बम विस्फोटनमा परी १८ जनाको मृत्यु भएको पुष्टी गरेका छन् । उनले एउटा बम आक्रमण राष्ट्रपति निवासलाई लक्षित गरिएको पनि बताए ।

“हामीले १८ वटा शव भेटेका छौं, अरु २० जना घाइते भएका छन्, उनीहरुलाई सहरका विभिन्न अस्पतालहरुमा पठाइएको छ,” उनले भने ।

सोमालियाको सुरक्षा फौजले राष्ट्रपति कार्यालयमा गर्न लागेको विस्फोटनलाई असफल पारेको अधिकारीले बताएका छन् ।

पहिलो विस्फोटन स्थानीय समयानुसार बेलुका ६ बजे भएको थियो भने दोस्रो विस्फोटन त्यसको केही समयपछि सोमालियाको भिल्ला भन्ने स्थानमा भएको थियो ।