फुर्वा शेर्पाद्वारा पञ्जाबी गीतको म्युजिक भिडियो निर्देशन

काठमाडौं — टेलिभिजन तथा फिल्म क्षेत्रमा सक्रिय निर्देशक फुर्वा शेर्पाले पञ्जाबी गीतको म्युजिक भिडियो निर्देशन गरेका छन्। उनले हालै ‘खर्चा मार दा’ बोलको गीतको निर्देशन गरेका हुन्।

गायक सरव सिंहको स्वर र संगीतमा तयार भएको उक्त गीतको शब्द बब्बी नटियानले लेखेका हुन्। भिडियोलाई संयुक्त अरब इमिरेट्सको दुबई शहरमा छायांकन गरिएको निर्देशक शेर्पाले जानकारी दिएका छन्।

भिडियोमा मुख्य अभिनेता कमर भारत पञ्जाबका चर्चित कलाकार हुन् भने अभिनेत्री इस्राए जेब्बारी मोरक्कन नागरिक हुन्। दक्षिण भारतका कोरियोग्राफर सुरेश कुमारले भिडियोको नृत्य振योजन गरेका छन्।

फुर्वा शेर्पा बहुप्रतिभाशाली व्यक्तित्व हुन्। उनी टेलिभिजनकर्मी, टिभी शो निर्माता, म्युजिक भिडियो र फिल्म निर्देशक मात्र होइन, गायकको रूपमा पनि सक्रिय छन्। पञ्जाबी गीतको निर्देशनमार्फत उनले अन्तर्राष्ट्रिय स्तरमा आफ्नो सिर्जनात्मकता फैलाउँदै लगेका छन्।