काठमाडौं – नेपालका लागि होण्डा गाडीको आधिकारिक विक्रेता, स्याकार ट्रेडिङ्ग कम्पनी प्रा. लि.ले आफ्ना ग्राहकहरुको सुरक्षालाई सर्बोपरि प्राथमिकतामा राख्दै एक महत्त्वपूर्ण ‘सेफ्टी रिकल’ अभियानको घोषणा गरेको छ।
ADVERTISEMENT
कम्पनीले यस अभियान अन्तर्गत सन् २००१ देखि २०१४ सम्मका मोडेलका होण्डा गाडीहरुको एयरब्याग पूर्ण रूपमा निःशुल्क परिवर्तन गर्ने भएको हो ।
कम्पनीका अनुसार यो ‘सेफ्टी रिकल’ अभियान होण्डा मोटर कम्पनी, जापानको विश्वव्यापी अभियानको एक हिस्सा हो, जसको उद्देश्य पुराना गाडीहरुमा समयसँगै एयरब्याग इन्फ्लेटरमा देखिन सक्ने सम्भावित प्राविधिक समस्यालाई हटाई ग्राहकहरुको यात्रालाई थप सुरक्षित बनाउनु हो।
ADVERTISEMENT
ग्राहकप्रतिको आफ्नो उत्तरदायित्वलाई मनन गर्दै स्याकार ट्रेडिङ्गले नेपालमा पनि यो अभियानलाई प्रभावकारी रूपमा सञ्चालन गरेको हो।
यस अभियान अन्तर्गत ज्याज (Jazz), अकर्ड (Accord), सीआर-भी (CRV), सिभिक (Civic), सिटी (City) र स्ट्रिम (Stream) मोडेलका गाडीहरु समावेश गरिएका छन्। कम्पनीले यी गाडीहरुको एयरब्याग कुनै पनि शुल्क नलिई दक्ष प्राविधिकहरुद्वारा परिवर्तन गरिदिने व्यवस्था मिलाएको छ।
स्याकार ट्रेडिङ्गले उल्लेखित मोडेलका गाडीधनीहरूलाई आफ्नो गाडी यस अभियानमा समावेश छ वा छैन भनी यकिन गर्न र तुरुन्तै अपोइन्टमेन्टका लागि नजिकको आधिकारिक सर्भिस सेन्टरमा सम्पर्क गर्न कम्पनीले अनुरोध समेत गरेको छ ।
सम्पर्कका लागि आधिकारिक सर्भिस सेन्टरहरूमध्ये काठमाडौंका लागि ९८०११०८१११, ०१(५१५३५४२, ५१५३०४१ मा सम्पर्क गर्न सकिनेछ । यस्तै पोखराका लागि ९८४६९७७६२९, ९८५६०३३८२८, विराटनगरका लागि ९८५२०२३२१२, ९८०७३०३२१२ तथा बुटवलका लागि ९८५७०३७८७७, ९८०२६२२२८० मा सम्पर्नक गर्न सकिनेछ । यस्तै वीरगन्जका ग्राहकले ९८०३१५६४३० मा सम्पर्क गर्न सक्नेछन् ।
